سؤال وجواب حول التسجيل لتدريب الترقية اون لاين ومواعيد الحجز لجميع المحافظات

1.. مين مستهدف للتدريب اون لاين وهل اى معلم هيسجل فى التدريبات؟
ج.. التسجيل للمعلمين اخر ترقيه ليهم 2014 ونزل ليهم ملف انجاز وتم تقييمه من المدير والموجه والاداره التعليمية

2.. هل لازم ادفع رسوم الترقيه وهى كام وهل مرتبطه بالتسجيل على منصة التدريب؟
ج.. الرسوم 65 ج غير مرتبطه بتسجيل التدريب ولكن حضرتك هتدفع فى فورى على رقم حساب 6683 واحتفظ بالايصال علشان هيطلب منك بعد كدا

3… المعلم المنتدب لمحافظة تانيه يسجل باى محافظة الاصليه ام المنتدب اليها وحيث انه خلص ملف الانجاز والتقييم من المحافظة المنتدب اليها ؟
ج.. المنتدب اثناء التسجيل يسجل فى محافظته الاصليه

4.. انا سبق امتحنت الدفعه اللى فاتت 2013 ولكن اسمى مانزلش فى الترقيات لانى كنت واخد اجازة موقفى ايه؟
ج.. حضرتك الاساس لازم تكمل خمس سنوات على راس العمل لو كملتهم يبقا هتتعامل كدفعه 2014 هتملئ ملف الانجاز ويتم تقييمك من المدير والموجه وهتسجل للتدريب والاختبار السابق كدا لايعتد به لان النظام الحالى رقمى ومن البيت

5..بالنسبه للناس الي اخدت اجازه رعايه طفل هيكون الوضع ايه في الترقيه واخدت في التقيم ٦٠في المئه؟
لازم حضرتك تكملى خمس سنوات على راس العمل لو اقل مش هتترقى لغايه ماتكمليهم يبقا الدفعه الجايه حسب مده عملك الفعلى

6.. انا هسجل هل هيتم االتدريب دلوقتى؟
حضرتك هتسجل وتختار موعد تدريبك بنفسك

7 – ما هي المدة المحدده للتدريب ؟
ساعتان هى مدة الاطلاع على الانشطة والاجابة على الاسئلة الخاصة بكل نشاط واخيرا الاجابة على الاسئلة المجمعة فى نهاية التدريب.

8 – ازاى احجز الدورة التدريبية ؟
يتم الدخول على رابط الحجز
www.pat.edu.eg
تكتب كود المعلم الخاص بيك
الوظيفة الحالية على الكادر
تتأكد من صحة البيانات الاساسية من واقع صحيفه الحاله لحضرتك
كتابة الرقم القومى ١٤ رقم
هيطلعلك كود الحجز انسخه واحتفظ بيه
علشان هتدخل من خلاله هو وكود المعلم الدخول للتدريب.

9.. ازاى اختار موعد للتدريب؟
بعد انتهاء التسجيل هيطلعلك كود حجز احتفظ بيه وبعدين ادخل على حجز دورة جديده هيظهرلك اجنده اختار اليوم اللى عايز تتدرب فيه فيه تلات الوان هتظهرلك بالاجنده
لون اسود مافيهوش تدريب
لون اصفر غامق تم حجزن واستنفاذ الحجز فيه
لون اصفى فاتح هو ده اللى متاح وتختار منه

10.. امتا يبدأ التدريب؟
هيبدأ من يوم 15/6 حتى نهايه مواعيد الحجز

11.. هل فيه شهادة للتدريب وازاى احصل عليها ؟
فى حالة اجتياز التدريب هتطبع شهادة إلكترونية مؤقتة (إفادة) باجتياز التدريب وفيه شهادة نهائية معتمدة من فرع الاكاديمية التابع ليه حضرتك هتاخدها

12.. التدريب للتربية والتعليم بس ولا الازهر؟
التسجيل متاح لمعلمى الازهر والتربية والتعليم

13 _ ايه مواعيد حجز التدريب بمحافظتى؟
كل محافظة ليها معاد وفقا للمواعيد التاليه الوارده من الاكاديمية وكل واحد يلتزم بالتسجيل فى موعد محافظته لعدم الضغط على الموقع
1-بورسعيد – الأقصر – جنوب سيناء – الوادي الجديد – المنيا – مطروح – السويس – البحر الأحمر الخميس 21 مايو 2020.
2- أسوان – دمياط الفيوم الجمعة 22 مايو 2020.
3- القاهرة – شمال سيناء السبت 23 مايو 2020.
4- البحيرة الأحد 24 مايو 2020.
5- قنا – بني سويف الأثنين 25 مايو 2020.
6- الدقهلية الثلاثاء 26 مايو 2020.
7- الشرقية الأربعاء 27 مايو 2020.
8- الأسكندرية – أسيوط الخميس 28 مايو 2020.
9- الجيزة – كفر الشيخ الجمعة 29 مايو 2020.
10- القليوبية السبت 30 مايو 2020.
11- المنوفية – سوهاج الأحد 31 مايو 2020.
12- الغربية – الاسماعيلية الأثنين 1 يونيو 2020.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

عفوا .. ممنوع النسخ

أنت تستخدم حاجب الإعلانات

عزيزي الزائر ،، نود أن نشكرك على زيارة رابط الخبر،، ولكن تم اكتشاف أنك تستخدم حاجب للإعلانات عبر متصفحك ،، ونود أن نعلمك أن بقاء هذا الموقع واستمراريته بتواجد طاقم عمل يسعى للحصول على الخبر ووضعه بالصورة التي ترغب فيها ، قائم على هذه الإعلانات ، فنرجو منك فضلاً ،، تعطيل هذا الحاجب لمزيد من تقديم أخبار متنوعه ترضي الجمع