محمد الانور سباق يوضح تفاصيل ما أثير برفع الحد الادنى والاقصى لاشتراكات الاجر الاساسى والمتغير بدء من يوليو المقبل وتأثيره على مرتبات المعلمين

بخصوص الحد الأدنى والحد الأقصى لاشتراكات الأجر الأساسي والأجر المتغير طبقا لقرار وزير التضامن رقم 143 لسنة 2018 بشأن تعديل قرار وزير المالية رقم 554 لسنة 2007 بخصوص الحد الأدنى والحد الأقصى لاشتراكات الأجر الأساسي والأجر المتغير
قبل أن نبدأ في الموضوع يجب أن نعلم
ماهى اشتراكات الأجر الأساسي وماهى اشتراكات الأجر المتغير؟
وماهي الاشتراكات التى تتحملها الحكومة (جهة العمل )
وماهى الاشتراكات التى يتحملها المؤمن عليه (الموظف)
اشتراكات الأساسي التى تتحملها الحكومة هى
15% و 1% و 2% و 3% مجموع 21%
اشتراكات الأساسي التى يتحملها الموظف هى
10% و 3% و 1% مجموع 14%
اشتراكات المتغير التى تتحملها الحكومة هى
15% و 1% و 3% مجموع 19%
اشتراكات المتغير التى يتحملها الموظف هى
10% و 1% مجموع 11%
وباختصار يوجد سقف للخصم يعنى مبلغ الأجر الأساسي عند حضرتك لو زاد عن 1670 ج لا يخصم من الزيادة اشتراكات الأجر الأساسي
وأيضا يوجد سقف للخصم من الأجر المتغير يعنى حضرتك لو أجورك المتغيرة زادت عن 4040 ج لا يخصم من الزيادة اشتراكات الأجر المتغير
طيب حضرتك ماوصلتش للحد ده إيه المشكلة ولا أى ضرر سيقع عليك
يعنى مثلا الحد الأقصى لأشتركات الأجر المتغير
من 1/1/2019 مبلغ شهرى = 4040 جنيها
والله لو حضرتك أجورك المتغيرة زادت عن هذا الحد مش هاخصم من الزيادة اشتراكات الأجر المتغير
طيب لو أنا أجورى المتغيرة مثلا أقل من ال 4040 جنيها في الشهر ولا هتخسر حاجة
وعلي فكرة من معلم لمعلم خبير ولا هيتأثر اصلا بالموضوع ده
لكن لو زاد مبلغك عن الحد هتستفيد إنى مش هاخصم علي المبلغ الزايد معاشات
فاطمنوا
الحد الأقصى معمول كسقف للخصم يعنى لو واحد أجوره المتغيرة مثلا 4200 جنيها هاخد خصم منه علي 4040
وهيفضل له مبلغ 160 جنيها مش هاخد عليها خصومات
طيب لو واحد أجوره 4000 يقولي بس خسران إيه منا هاخد معاشات علي اللي عنده وبس
والله لو هوا زايد عن الحد 4040 هاخصم علي المبلغ والباقي مش هاخصم عليه
المهم الحد الأقصى لأشتركات الأجر المتغير بيزيد بنسبة 20% سنويا كل سنة ميلادية
يعنى ال 4040 دى شغالين عليها من 1/1/2019 وحتى 31/12/2019 يعنى مفيش حاجة في شهر يوليو
وبالنسبة للأجر الأساسي ليه سقف زى ما قلنا وهذا السقف بيزيد
بنسبة 10% كل 1/7
ياترى ياللي مش واصل للحد الأقصى إيه اللى هيزعلك
محمد الأنور سباق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

عفوا .. ممنوع النسخ

أنت تستخدم حاجب الإعلانات

عزيزي الزائر ،، نود أن نشكرك على زيارة رابط الخبر،، ولكن تم اكتشاف أنك تستخدم حاجب للإعلانات عبر متصفحك ،، ونود أن نعلمك أن بقاء هذا الموقع واستمراريته بتواجد طاقم عمل يسعى للحصول على الخبر ووضعه بالصورة التي ترغب فيها ، قائم على هذه الإعلانات ، فنرجو منك فضلاً ،، تعطيل هذا الحاجب لمزيد من تقديم أخبار متنوعه ترضي الجمع